ПРЕЗИДЕНТИ ТУРКИЯ АБДУЛЛО ГУЛ БА ТОҶИКИСТОН МЕОЯД
Душанбе, 26 ноябр. (АМИТ «Ховар», Пайрав Назаров).- Вазири корҳои хориҷии Тоҷикистон Ҳамрохон Зарифӣ имрӯз бо вазири корҳои хориҷии Туркия Алӣ Бобоҷон мулоқот кард, ки барои боздиди корӣ ба Тоҷикистон ташриф овардааст. Алӣ Бобоҷон баъди анҷоми мулоқот бо Ҳ.Зарифӣ ба хабарнигорон гуфт, ки зимни гуфтушунид масъалаҳои тавсеаи муносибатҳои дуҷониба, аз ҷумла дар соҳаи иқтисодиёт, инчунин масъалаҳои минтақавию байналхалқӣ муҳокима шуданд. Мо ба сатҳи имрӯзаи муносибатҳои Тоҷикистону Туркия баҳои баланд медиҳем, гуфт А.Бобоҷон.Мухбири АМИТ «Ховар» хабар медиҳад, ки вазирони корҳои хориҷӣ масъалаи омодагиро ба ташрифи Президенти Ҷумҳурии Туркия Абдулло Гул ба Тоҷикистон низ муҳокима намуданд. Абдулло Гул аввали соли оянда ба Тоҷикистон ташриф хоҳад овард. Қайд карда шуд, ки ҳаҷми сармоягузории Туркия ба соҳаҳои гуногуни иқтисодиёти Тоҷикистон сол то сол меафзояд. Соли гузашта маблағи хариду фурӯши мол дар байни ҳар ду кишвар 260 миллион доллари ИМА- ро ташкил дод, — гуфт Алӣ Бобоҷон.
Имрӯз дар шаҳри Душанбе борони кӯтоҳмуддат меборад
3 ОКТЯБР–РӮЗИ ТАЪСИСИ «ТЕЛЕВИЗИОНИ ТОҶИКИСТОН». Ин шабака дастовардҳои миллатро дар арсаи байналмилалӣ муаррифӣ менамояд
Эъломияи Душанбе оид ба инноватсия ва технологияҳои рақамӣ қабул гардид
«ТОҶИКИСТОНИ РАҚАМӢ». Душанбе зимни баргузории Форуми байналмилалии TAJ-TECH 2026 ба майдони бузурги муаррифии дастовардҳои IT табдил ёфт
Дар Тоҷикистон сохтмони хонаҳои истиқоматӣ вусъат ёфтааст
Муассисаҳои буҷетии ноҳияи Тоҷикобод бо ангишти кони Камароб пурра таъмин карда шуданд
