САФОРАТИ ИМА ТО 100 ҲАЗОР ДОЛЛАР БУРС ДОДАНИСТ

        Душанбе, 11 ноябр. (АМИТ «Ховар», Наргис Бойаҳмедова). – Сафорати ИМА дар Тоҷикистон қабули дархостҳоро барои гирифтани бурс дар доираи лоиҳаҳо эълон медорад. Ҳаҷми бурсҳо набояд аз 100 ҳазор доллари ИМА зиёд бошад.     Сафорат дархостро дар мавзӯъҳои «кӯмаки ҳуқуқӣ», «маълумотноккунӣ дар маҳалҳо», «дастрасӣ ба адолати судӣ», «мониторинги судҳо», «суди ҳакамӣ ва ислоҳоти ҳуқуқӣ» қабул менамояд. Бояд зикр намуд, ки бурсҳои Лоиҳаи рушди соҳаи ҳуқуқӣ танҳо ба ташкилотҳое дода мешавад, ки дар Ҷумҳурии Тоҷикистон фаъолият доранд.