СЕЛЕКСИЯИ НАВИ ВАТАНӢ

Душанбе, 4 ноябр. (АМИТ «Ховар», Лаззат Диловарзод).- Дар Маркази миллии ҷумҳуриявии захираҳои генетикӣ ба мухбири АМИТ  «Ховар» иттилоъ доданд, ки аввалин маротиба Марказ дар майдони 0,5 га парваришгоҳи коллексияи навъу намунаҳои дарахтони мевадиҳанда ва ангури маҳаллию селексияи ватанӣ бунёд гардид. Барои ғанӣ гардонидани парваришгоҳи коллексионӣ 18 кг донаи зардолу, 8 кг донаи шафтолу,  1 кг олу, 1 кг олуча ва дар мамӯъ ба миқдори 28 кг донаи тухмӣ тайёр карда шудааст. Дар хоҷагиҳои ноҳияҳои Мирсаид Алӣ  Ҳамадонӣ, Ховалинг ва парваришгоҳи ҷангали  «Заргар»  навъҳои себ, олу, нок, гелос ва зардолуи маҳаллӣ муайян ва номнавис карда шуданд.