«СОМОНӢ» — И ДУФАСЛА БА КАСАЛИҲОИ ЗАНГИ ЗАРД ВА ҚАҲВА ТОБОВАР АСТ

         Душанбе, 19 ноябр. (АМИТ «Ховар», Лаззат Диловарзод).- Олимони Пажӯҳишгоҳи зироаткории Тоҷикистон дар соли ҷорӣ ду навъи гандум- «Ормон» ва «Сомонӣ»-ро баъди қабули комиссияи давлатӣ барои истифодаи истеҳсолӣ тавсия намуданд. Гандуми навъи «Ормон» ба намуди навъи «Перкум» тааллуқ дорад. Навъи «Ормон» дуфасла буда, дар кишти тирамоҳӣ ҳосили баландтар медиҳад. Ҳосилнокии он дар заминҳои обӣ 60 с/га-ро ташкил додааст. Гандуми навъи «Сомонӣ» низ маҳсули кори бисёрсолаи олимони Пажӯҳишгоҳи зироаткории Тоҷикистон аст. Ин навъи гандум низ ба гурӯҳи зироатҳои дуфасла дохил мешавад. Ҳосилнокии он дар заминҳои обӣ 58 с/га- ро ташкил додааст. Он ба касалиҳои занги зард ва қаҳва тобовар аст.