СУПОРИШИ ВАЗОРАТИ КИШОВАРЗӢ ИҶРО НАШУД

        Душанбе, 26 ноябр. (АМИТ «Ховар», Лаззат Диловарзод).- Тибқи чорабиниҳои Вазорати кишоварзӣ, раёсатҳои кишоварзии дастгоҳи марказии вазорат ва раёсатҳои кишоварзии вилоятҳо ва шаҳру ноҳияҳо барои тайёрии ҳаматарафа дар давраи тирамоҳу зимистони соли 2008 – 2009 вазифадор гардиданд.       Тибқи нақша, дар корхонаҳои кишоварзӣ ва хоҷагиҳои деҳқонӣ (фермерӣ) барои зимистонгузаронии чорво бояд 637 ҳазору 924 тонна хӯроки дурушт ва 226 ҳазору 223 тонна хӯроки ширадор ҷамъоварӣ гардад.       То 16 – уми ноябр 609 ҳазору 567 тонна хӯроки дурушт ва 202 ҳазору 695 тонна хӯроки ширадор тайёр карда шудааст, ки ин нисбат ба дурнамо ба андозаи 60 ҳазор тонна хӯроки дурушт ва 24 ҳазор тонна хӯроки ширадор кам аст. Чунин нишондод аз иҷро нашудани супориши вазорат гувоҳӣ медиҳад.