ТАЪМИРИ БЕМОРХОНАИ РӮҲӢ

            Душанбе, 3 ноябр. (АМИТ  »Ховар», Лаззат Диловарзод).-Вазорати тандурустии ҷумҳурӣ барои таъмири беморхонаи касалиҳои рӯҳии минтақаи Рашт, ки 40 сол пеш бунёд ёфтааст, 500 ҳазор сомонӣ ҷудо намуд.                Боиси зикр аст, ки беморхона дар солҳои ҳодисаҳои маълуми 1991-95 хеле зарар дида буд.Як қисми беморон аз макони зисташон ғайб заданд.                Ҳоло беморхона барои 60 нафар беморон ҷои зист дорад. Дар ин беморхона беморони рӯҳӣ аз тамоми ҷумҳурӣ фаро гирифта мешаванд, ки ин миқдор ҷойи зист барояшон кифоя нест.                Шаҳрвандони пойтахт шоҳиди даҳҳо беморони рӯҳие мебошанд, ки  дар кӯчаю хиёбонҳои шаҳр беназорат  сайругашт мекунанд ва кӣ гуфта метавонад, ки рӯзе кадоме аз инҳо даст ба ҷиноят намезанад.