ТОҶИКИСТОН 1 МИЛЛИАРДУ 384 МИЛЛИОН ДОЛЛАР ҚАРЗИ БЕРУНИАШРО МЕПАРДОЗАД?

        Душанбе,  26  ноябр. (АМИТ «Ховар», Покиза  Маҳмадбекова). – Нақшаи  даромади   буҷети  давлатии  соли  2009   бештар аз  6  миллиард  сомонӣ  пешбинӣ  карда  мешавад, ки  ба  29  фоизи  маблағи  маҳсулоти  умумии  дохилӣ  баробар   буда,  нисбат ба  буҷети  давлатии  соли  2008   1,5  миллиард  сомонӣ зиёд мебошад.  Аз маблағи  умумии   барои  пардохти  қарзи  берунӣ  ҷудокардашуда  805  миллион  сомонӣ  барои  пардохти  фоидаи  қарзҳо  пешбинӣ    мешавад. Аз  ин  маблағ 104  миллион  сомонӣ  барои  пардохти қарзҳо ҷудо карда шудааст. Аз  Вазорати  молия  ба  мухбири  АМИТ «Ховар»  хабар  доданд, ки  қарзи  берунии  Тоҷикистон  то 1 – уми  октябр  як  миллиарду  383 миллион   доллари  ИМА – ро  ташкил  дод.          Дар   буҷети  давлатии  соли  2009   барои  пардохти  қарзҳои  дохилӣ  22  миллион  сомонӣ  пешбинӣ  карда  мешавад. Умуман, қисми  хароҷоти  буҷети  давлат  дар  соли  оянда  6  миллиарду  215  миллион сомониро  ташкил  медиҳад. Маблағи   камбуди буҷет   соли  оянда баробари 207 миллион сомонӣ ё  як  фоизи  маблағи  маҳсулоти  умумии  дохилӣ  пешбинӣ  шудааст. Дар  Вазорати  молия  зикр  карданд, ки  дар  буҷети соли  2009  барои  пардохти  қарзи  берунӣ 909   миллион  сомонӣ  ҷудо  карда шудааст.