11 + ВА 425 КОМИССИЯИ ҶАМЪИЯТӢ ҶАШНҲОРО ТАНЗИМ МЕКУНАНД

Душанбе, 1 декабр. (АМИТ «Ховар», Лаззат Диловарзод).- Масъалаи ба низом даровардани ҷашну маъракаҳо яке аз масъалаҳои муҳим ва мубрами рӯз буда, барои паст кардани сатҳи камбизоатии мардуми ноҳия равона карда шудааст, — гуфт раиси Комиссияи ҷашну маъракаҳои шаҳри Ваҳдат Рустам Ҷӯрабеков ба мухбири АМИТ «Ховар». Баҳри иҷрои ин вазифа ва дар амал татбиқ намудани талаботи Қонуни мазкур  дар назди 10 ҷамоати деҳот ва Раёсати хоҷагии манзилию коммуналӣ ва сохтмонии шаҳр 11 комиссияи доимӣ ва 425 комиссияи ҷамъиятӣ фаъолият менамоянд. Дар давоми даҳ моҳи сипаришуда барои беҳтар гардидани фаъолияти комиссияҳо дар ҷамоатҳои деҳоти Б.Бурунов, Ромит, А.Абдулвосиев, Р. Исмоилов, Гулистон, Дӯстӣ, Чорсӯ ва Симиганҷ бо иштироки комиссияҳои ҷамъиятӣ, имомхатибони масҷидҳои ҷомеъ ва панҷвақта, раисони Шӯрои занон ва фаъолон семинар-машварат гузаронида шуд.