ҒАЛАБАИ ҶАҲОН ҚУРБОНОВ

           Душанбе, 11   декабр. (АМИТ «Ховар»,  Пайрав  Назаров). —  Дар  пойтахти  Русия – шаҳри  Маскав  мусобиқоти  қаҳрамонии  боксчиён   барои   ба  даст  овардани  Ҷоми  Ҷаҳон  давом  дорад. Дар  он  варзишгарони   тоҷик  низ  ширкат  меварзанд. Аз  ҷумла,  боксчии  тоҷик,  иштирокчии  Бозиҳои  тобистонаи  олимпӣ   дар  Пекин  Ҷаҳон  Қурбонов   дар  вазни  81  килограм  зимни  қувваозмоӣ  бо   варзишгари  литвонӣ  Николай Гришунинс  бо  ҳисоби  калони  9:5  ғалаба  ба  даст овард. Боксчии  дигари тоҷик   Муродҷон  Расулов  дар  вазни  48  килограм  зимни  қувваозмоӣ  бо  намояндаи  Филиппин мағлуб  гардида,  аз  мусобиқа  хориҷ  шуд.