ҚОНУНИГАРДОНИИ МОЛУ МУЛК МАЪЛУМ НЕСТ

                    Душанбе, 22 декабр. (АМИТ «Ховар», Лаззат Диловарзод).- Аз қабули Қонуни Ҷумҳурии Тоҷикистон «Дар бораи афви шаҳрвандон ва шахсони ҳуқуқии ҷумҳурии Тоҷикистон бинобар қонунигардонии молу мулк» беш аз 1 солу 7 моҳ гузашт. Бино ба маълумоти коиссияҳои дар шаҳру ноҳияҳо ташкилёфта, қонунигардонии молу мулк ҳанӯз ба охир нарасидааст, ки сабабашро дар надоштани иттилоти кофии шаҳрвандон медонанд.                   Ҳоло аз 447 аризаи ба ҳукуматҳои ноҳияҳои шаҳри Душанбе ворид гардида танҳо ба 190 нафар шаҳодатномаи тасдиқкунандаи амвол дода шудааст.                   Агар дар шаҳри Душанбе амалӣ шудани қонун ба ин дараҷа сурат гирифта бошад, пас аз ноҳияҳои дурдасти дигар вилоятҳо чӣ ҷойи гила аст.                  Мақсад аз қабули ин қонун паст кардани сатҳи «иқтисоди пасипардагӣ» ва ба гардиши иқтисодӣ ворид кардани амволи пинҳонкардашуда мебошад.