ҲАФТАНОМАИ НАВ

           Душанбе,  31  декабр.  (АМИТ «Ховар», Людмила  Дубинина). – Шумораи нахустини  таҷрибавии  ҳафтаномаи «Журналист»  аз  чоп  баромад, ки   муассисони он   Созмони  ғайриҳукуматии  «Журналист» ва  шӯъбаи журналистикаи  факултаи  филологияи  Донишгоҳи  давлатии   Хоруғ  мебошанд. Раиси  Созмони ғайриҳукуматии  «Журналист» ва   сармуҳаррири  ҳафтаномаи  «Ҷомеа» Қироншоҳ  Шарифзода   ба  мухбири  АМИТ «Ховар»  гуфт, ки   донишҷӯён  дар  нашри  шумораи  нахустини  ҳафтанома  саҳми  калон гузоштанд.  Дар  ин  шумора   ҳамаи  жанрҳои  иттилоотӣ   истифода  карда  шудаанд. Ҳафтанома   дар  доираи  барномаи «Такмили   маҳорати  касбии   журналистони  ҷавон»  бо  кӯмаки  молиявии  сафоратхонаи  ИМА   дар  Тоҷикистон  чоп  карда шуд.