ҲАМКОРИИ ТУРБОАТОМ БО ЭНЕРГЕТИКҲОИ ТОҶИК

           Душанбе, 31 декабр. (АМИТ «Ховар», Лаззат Диловарзод).- Дар асоси иттилои  Вазорати энергетика ва саноат аз 4,07 миллион киловат/соат нерӯи барқи умумии Тоҷикистон 3, 59 миллионаш бо гидротурбинаҳои корхонаи Турбоатоми Украина истеҳсол мешавад, ки 88,2 фоизи барқи истеҳсолшударо ташкил медиҳад.         Айни ҳол,  дар ҳамкорӣ бо ин корҳонаи бузурги Украина таҷдиди таҷҳизоти вазнини нерӯгоҳи барқи обии «Норак» идома дорад, ки он иқтидори истеҳсоли барқро 10 дар сад афзоиш медиҳад. Наздик ба 90 фоизи тамоми таҷҳизоти гидротехникии нерӯгоҳҳои обии Тоҷикистон истеҳсоли корхонаи Турбоатоми Украина мебошанд. Дар тӯли беш аз 40 соли ҳамкорӣ аз ин корхона ба Тоҷикистон 22 гидротурбина, 55 гидрозатвор ва дигар таҷҳизоти пурқиммат фиристода шудааст.