ҲОЛАТИ КОРНОШОЯМИИ ТЕХНИКАИ КИШОВАРЗӢ ҶОЙ ДОРАД

         Душанбе, 16 декабр. (АМИТ «Ховар», Лаззат Диловарзод).- Бино ба маълумоти Кумитаи давлатии омор, дар корхонаҳои кишоварзӣ ва хоҷагиҳои деҳқонӣ (фермерӣ) 16 ҳазору 443 трактори гуногунтамға мавҷуд буд, ки аз онҳо 10 ҳазору 224 адад ё 62 фоиз дар ҳолати коршоямӣ қарор доштанд. Омодасозии тракторҳо дар хоҷагиҳои вилояти Хатлон 54 фоиз, ВМКБ — 53 фоиз, Турсуносунзода — 58, Шаҳринав — 66, Ҷиргатол — 53, Тоҷикобод — 45 ва Варзоб 17 фоиз аз ҳисоби миёна кам мебошад. Аз 3317 адад трактори шудгоркунанда 1886-тои онҳо омодаи кор аст, ки ин баробар ба 57 фоиз мебошад. Ин нишондиҳанда дар вилояти Хатлон 50 фоизро ташкил медиҳад, ки дар мавридҳои алоҳида сабаби саривақтӣ иҷро нашудани корҳои саҳроии хоҷагидорон мегардад.