ҲУКМАТУЛЛО АҲМАДОВ: «ҶАВ БАЪД АЗ ГАНДУМ ДАР ҶОИ ДУЮМ МЕИСТАД»

         Душанбе, 4 декабр. (АМИТ «Ховар», Лаззат Диловарзод).- Дар байни зироатҳои ғалладонагӣ ҷав баъд аз гандум дар ҷои дуюм меистад. Дони ҷав аз сафеда ва оҳар бой мебошад,- иброз дошт президенти Академияи илмҳо Ҳукматулло Аҳмадов ба мухбири АМИТ «Ховар». Аз кишти ҷав дар ҳамаи минтақаҳои ҷумҳурӣ ҳосили баланд рӯёнида мешавад. Ҷав ба нуриҳои минералӣ талаботи зиёд дорад. Он  нуриҳои баъд аз зироати пешина дар хок мондаро хеле хуб қабул мекунад. Барои кишт навъҳои ноҳиябандишудаи «Ҷави кабудак», «Ченад-345», «Росава», «Сиклон», «Ифтихор-86» ва «Баракат» тавсия дода мешавад. Навъи «Ифтихор» нисбати дигар навъҳо 15-20 рӯз пештар мерасад. Кишти такрории он дар моҳи июн беҳтар аст.