ҶАМЪОМАДИ БОТАНТАНАИ ИШТИРОКЧИЁНИ ҶАНГ

                     Душанбе, 6 декабр. ( АМИТ «Ховар», Дубинина).- Сафоратхонаи Русия дар Тоҷикистон, намояндагии Созмони ҳамкории фарҳангии Русия бо мамлакатҳои хориҷӣ ва иттиҳоди миллии занони руси сокини Тоҷикистон ҳамроҳи Шӯрои ветеранҳои ҷанги шаҳри Душанбе имрӯз бахшида ба Рӯзи шарафи ҷангӣ ва 67- солагии оғози ҳуҷуми ҷавобии қисмҳои ҳарбии Артиши шӯравӣ ба муқобили лашкари немис дар наздикии Маскав ҷамъомади ботантана оростанд. Иштирокчиёни ҷангро намояндагони сафоратхонаи Русия дар Тоҷикистон, шӯрои ветеранҳо, намояндагони Пойгоҳи низомии 201- уми Русия ва Шӯрои ҳамдиёрони хориҷии ин мамлакат табрик намуданд.                     Иштирокчиёни ҷамъомад ба ташкилкунандагони он изҳори сипос намуданд. Аъзои дастаи ҳунарии Пойгоҳи низомии Русия дар Тоҷикистон барои ҳозирон сурудҳои ҳарбии замони ҷангро иҷро намуданд.