13 ҲАЗОР ДОЛЛАРРО БО РОҲИ ФИРЕБ ГИРИФТАНД

Душанбе, 15 декабр. (АМИТ «Ховар», Мавҷуда Давлатзода).- Сокини кӯчаи Петровскии пойтахт Вайсиддин Нуралиеви 23-сола ба Шӯъбаи корҳои дохилии ноҳияи Сино 2-и пойтахт бо ариза дар он хусус муроҷиат намуд, ки истиқоматкунандаи кӯчаи Қазоқон — 1 Умед Мустафоеви 23-сола бо роҳи фиреб ба боварии Нуралиев даромада, дар назди бинои истиқоматиаш 13 ҳазор доллари ИМА-ро гирифта, то ҳол гардонида надодааст. Аз маркази матбуоти Вазорати корҳои дохилии Ҷумҳурии Тоҷикистон ба мухбири АМИТ «Ховар» иттилоъ доданд, ки нисбати У. Мустафоев парвандаи ҷиноӣ боз гардида, тафтиш идома дорад.