29, 6 МИЛЛИОН СОМОНӢ БАРОИ ТАТБИҚИ ЛОИҲА

          Душанбе, 17 декабр. (АМИТ «Ховар», Лутфия Эшонқулова). – Чанде пеш барои беҳтар намудани ҳолати роҳи минтақавии байни Ҷумҳуриҳои Тоҷикистону Қирғизистон созишнома ба имзо расида,  лоиҳаи таҷдиди роҳи Душанбе- сарҳади Ҷумҳурии Қирғизистон, фазаи 1 таҳия гардид.  Айни ҳол аз рӯи лоиҳаи мазкур дар қитьаи Сайрон – Қарамиқ   корҳои омодагӣ ва татқиқотӣ идома доранд. Тавре ба АМИТ «Ховар» аз Вазорати нақлиёт ва коммуникатсияи Ҷумҳурии Тоҷикистон хабар доданд, то имрӯз дар 273 — километрии корҳои заминӣ оғоз ёфтанд. Шумораи умумии коргарон 30 нафар буда, боз 10 нафар коргари маҳаллӣ ва 20 нафар коргари хориҷӣ бояд ба кор ҷалб карда шаванд.  Лозим ба ёдоварист, ки барои татбиқи лоиҳаи мазкур 28 августи соли ҷорӣ байни Вазорати нақлиёт ва коммуникатсияи ҶТ ва Корпоратсияи сохтмони роҳи оҳани Ҷумҳурии Халқии Чин бо маблағи 29, 6 миллион доллари ИМА шартнома ба имзо расид.