30 – СОЛАГИИ ГАНДУМИ «ВАТАН»- РО ҶАШН ГИРИФТАНД

            Душанбе, 1 декабр. (АМИТ «Ховар», Лаззат Диловарзод).- Дар Пажӯҳишгоҳи зироаткорӣ ба мухбири АМИТ «Ховар» иттилоъ доданд, ки соли ҷорӣ олимони соҳа 30 – солагии ба истифода дода шудани гандуми навъи «Ватан»-ро ҷашн гирифтанд.  «Ватан» ба навъи гандуми сахтдона тааллуқ дорад ва аз соли 1978 ноҳиябандӣ шудааст. Давраи нашъунамояш 210- 220 рӯзро ташкил медиҳад. Он ба касалиҳои «замбурӯғӣ», «занги зард» ва «сиёҳак» тобовар аст. Ҳосилнокии ин навъи гандумро олимон дар заминҳои обӣ ба ҳисоби миёна 50 с/га муайян кардаанд. Сифати орду нонаш хеле хуб мебошад, моддаи часпанда (клековина)-аш 37 фоизро ташкил медиҳад.