АВВАЛИН КОРВОНИ ҒИЗОӢ БА МАКТАБ-ИНТЕРНАТИ КАДУЧӢ РАСИД
Душанбе, 3 декабр. (АМИТ «Ховар», Лаззат Диловарзод).- Дар арафаи Иди Қурбон аввалин кӯмаки башардӯстона аз Фонди захиравии Президенти мамлакат ба тарбиягирандагони мактаб- интернатҳои минтақаи Кӯлоб фиристода шуд. Дар минтақа аввалин шуда хонандагони мактаб-интернати Кадучии ноҳияи Восеъ аз ин ёрии башардӯстонаи Президенти кишвар бархӯрдор гардиданд. Дар ҷумҳурӣ беш аз 24 мактаб-интернат барои тарбияи бачагони бепарастор ба истифода дода шудааст. Дар арафаи ҳар ҷашну ид расонидани кӯмакҳои башардӯстона ба мактаб-интернатҳо ба ҳукми анъана даромадааст. Ёрии башардӯстонаи ба мактаб-интернатҳои минтақаи Кӯлоб фиристодаи Ҳукумати ҷумҳурӣ сари вақт ба ҷойҳои таъиншуда расонида шуд,- иброз доштанд дар Вазорати меҳнат ва ҳифзи иҷтимоии ҷумҳурӣ ба мухбири АМИТ «Ховар». Корвони ғизоӣ аз орд, равған, шакар ва сарулибоси гарми зимистона иборат буд. Тарбиятгирандагони мактаб-интернати Кадучӣ барои ғамхории падарона ба сарвари давлат изҳори миннатдорӣ намуданд.
Имрӯз мардуми Мамлакати Шоҳигарии Арабистони Саудӣ 96-солагии ҷашни миллияшонро таҷлил менамоянд
Аз 23 то 25 сентябр дар баъзе минтақаҳои Тоҷикистон омадани сел пешгӯӣ мешавад
Тоҷикистон пас аз рӯзи сеюми Бозиҳои Осиёӣ-2026 дар ҷадвали медалҳо дар зинаи ҳафтум қарор дорад
Имрӯз дар Тоҷикистон эҳтимол раъду барқ ба амал ояд
Дар Тоҷикистон беш аз 800 ҳазор тонна зироати ғалладонагӣ ҷамъоварӣ шудааст
Ҷаласаи Комиссияи Озмуни ҷумҳуриявии «Донандаи беҳтарини асарҳои Пешвои миллат» доир шуд
Мегафон Тоҷикистон: акнун сӣ «Устоди алоқа»!
«ЧОДАРИ ХАЁЛ». Дар Душанбе Ҷашнвораи ҳаштуми байналмилалии театрҳои лӯхтак баргузор мегардад
