АЗ ҶОНИБИ АҲОЛӢ БИНОҲО БА ИСТИФОДА ДОДА МЕШАВАНД

       Душанбе, 24 декабр. (АМИТ «Ховар», Марзия Саидова).- Танҳо дар моҳи декабр дар пойтахт 21 иншооти гуногун ба маблағи 84,6 миллион сомонӣ мавриди истифода қарор мегирад. Иншооти мазкур аз ҳисоби сарчашмаҳои буҷавӣ ва дигар манбаъҳои молиявӣ сохта шудаанд. Аз ҷумла, 40,8 миллион сомонӣ аз буҷаи шаҳр, 35, 6 миллион сомонӣ аз ҳисоби соҳибкорон ва 8,2 миллион сомонӣ маблағҳои аҳолӣ мебошанд. Тибқи иттилои котиби матбуотии раиси шаҳри Душанбе Шавкат Саидов, дар пойтахт аз ҷониби аҳолӣ ба истифодадиҳии 16,5 ҳазор метри мураббаъ манзил ба нақша гирифта шудааст.