БА КОНИ АНГИШТИ НАЗАРАЙЛОҚ РОҲИ НАВ КУШОДА ШУД

                  Душанбе, 19 декабр. (АМИТ «Ховар», Лаззат Диловарзод).- Кони ангишти Назарайлоқ яке аз ҳавзаҳои калонтарини кони ангишти Тоҷикистон аст, ки барои садсолаҳои Тоҷикистон басанда аст. Вале бо сабаби аз сатҳи баҳр дар баландӣ ҷойгир шуданаш, дар фасли зимистон кор дар ин ҷо қатъ мегардад.                Соли ҷорӣ яке аз фирмаҳои сармоягузори англис дар ҳамкорӣ бо соҳибкорони маҳаллӣ барои дар фасли зимистон ҳам истеҳсол кардани ангишти Назарайлоқ аз самти чапи он — аз дарраи Камаров ба кон роҳи нав кушоданд.                 Соли ҷорӣ тавассути роҳи нав даҳҳо тонна ангишт ба мактабу муассиса ва идораю корхонаҳо кашонида шуд.