БАРОИ РУШДИ СОҲАИ КИШОВАРЗӢ 19 МЛН. СОМОНӢ ИСТИФОДА БУРДАНД

            Душанбе, 9 декабр. (АМИТ «Ховар», Лаззат Диловарзод).- Бино ба гуфтаи муовини аввали вазири кишоварзӣ Султон Валиев, дар соли 2008 бо мақсади дастгирии соҳаи кишоварзӣ ва рушди минбаъдаи он 19 млн. сомонӣ пешбинӣ гардида буд. Аз ҷумла 1,5 млн.сомонӣ барои рушди соҳаи картошкапарварӣ, 1 млн. сомонӣ барои боғу токпарварӣ, 200 ҳазор сомонӣ барои таъсис додани «Маркази ҷумҳуриявии биотехнологияи чорво», 300 ҳазор сомонӣ барои рушди соҳаи занбӯри асалпарварӣ, 200 ҳазор сомонӣ барои соҳаи зотпарварӣ, 1,8 млн. сомонӣ бо мақсади чорабиниҳои зидди эпизотӣ ва харидани ваксинаҳо, 4,5 млн. сомонӣ барои харидани заҳрхимикатҳо ва мубориза бар зидди малах, ки ин маблағҳо мувофиқи мақсад истифода бурда шуд.