БО ДАСТУРИ ПРЕЗИДЕНТ БА НУЛВАНДУ РОВАНД МОШИН ДОДАНД

           Бадахшон, 24 декабр. (АМИТ «Ховар», Л. Додоев).- Тибқи дастури Президенти кишвар Эмомалӣ Раҳмон, аз ҳисоби мошинҳои сабукраве, ки дар тавозуни Дастгоҳи иҷроияи Президенти ҷумҳуриянд, 15 адад барои Мақомоти иҷроияи ҳокимияти давлатии ВМКБ ҷудо карда шуд. Мошинҳо ба дурдасттарин ҷамоатҳои деҳоти вилоят, аз ҷумла, ба Нулванди ноҳияи Дарвоз, Рованди ноҳияи Ванҷ, Басиди ноҳияи Рӯшон, Сежди ноҳияи Роштқалъа, Вери ноҳияи Шуғнон, Андароби ноҳияи Ишкошим, ки қаблан мошини хизматӣ надоштанд, тақсим карда шуд.