ДАР АРАФАИ СОЛИ НАВ БА 550 НАФАР КӮМАКПУЛӢ РАСОНИДА ШУД

       Душанбе, 31 декабр.(АМИТ «Ховар», Марзия Саидова).- Дар арафаи Соли нави мелодии 2009 аз ҷониби намояндагони мақомоти иҷроияи маҳаллии ҳокимияти давлатии шаҳри Душанбе ба 550 нафар иштирокчиёни Ҷанги Бузурги Ватанӣ, кӯҳансолони хонаи пиронсолон,  тарбиятгирандагони мактаб-интернатҳо, хонаи кӯдакон, муассисаҳои иҷтимоии шаҳр, оилаҳои камбизоат ва оилаҳое, ки фарзандони маъюб доранд,  ба ҳар кадоми ба маблағи 160 сомонӣ кӯмакпулии якдафъаина расонида шуд.        Тибқи иттилои котиби матбуотии раиси шаҳр Шавкат Саидов, — ин иқдом дар арафаи Соли нав бо мақсади дастгирии моддии табақаҳои гуногуни аҳолӣ аз ҷониби раиси шаҳри Душанбе Маҳмадсаид Убайдуллоев  андешида шуд.