ДОНИШҶӮЁНИ ТОҶИК ДАР ҶАШНВОРАИ ДӮСТИИ МАСКАВ ШИРКАТ ВАРЗИДАНД

            Душанбе, 10   декабр. (АМИТ «Ховар»,  Наргис  Бояхмедова). –  Донишҷӯёни  тоҷик, ки   дар  мактабҳои олии  пойтахти Русия  таҳсил  мекунанд,  бо  кӯмаку  дастгирии  Сафоратхонаи  Тоҷикистон  дар  Маскав  дар  ҷашнвораи   дӯстии  донишҷӯён  ширкат  варзиданд. Ҷашнвораи  мазкур  ҳар  сол   бо иштироки   донишҷӯёне  баргузор  мегардад,  ки  аз  мамлакатҳои  дигар  дар  Маскав  таҳсил  мекунанд. Донишҷӯён  дар  ҷараёни тайёрӣ  ба  ҷашнвора   дар  бораи  расму  анъанаҳои  миллии  худ  барномаҳои  фарҳангӣ  тайёр  намуданд. Инчунин  намоишгоҳҳо   ва  барномаҳои  консерти  тартиб  дода шуданд.