ЭМОМАЛӢ РАҲМОН — БЕҲТАРИНИ СИЁСАТМАДОРИ СОЛИ 2008
Душанбе, 30 декабр. (АМИТ «Ховар», Марзия Саидова).- Президенти Ҷумҳурии Тоҷикистон Эмомалӣ Раҳмон дар назарсанҷие, ки аз сӯи ҳафтаномаи «Курьер Таджикистана» гузаронида шуд, беҳтарин сиёсатмадори Ҷум ҳурии Тоҷикистон дар соли 2008 муаррифӣ гардид. Ба ҷонибдории Президенти мамлакат 33 нафар намояндаи ВАО-и Тоҷикистон овоз додаанд. Ба роҳбари идораи сиёсати хориҷии Тоҷикистон Ҳамрохон Зарифӣ се хол ва ба Раиси Маҷлиси миллии Маҷлиси Олии мамлакат, раиси шаҳри Душанбе Маҳмадсаид Убайдуллоев ва раиси Ҳизби сотсиал-демократи Тоҷикистон Раҳматилло Зойиров 1-холӣ насиб гардидааст. Сафири фавқулодда ва мухтори Ҷумҳурии Исломии Эрон дар Ҷумҳурии Тоҷикистон Алиасғари Шеърдӯст беҳтарин сафири фаъоли кишвари хориҷӣ дар Тоҷикистон муаррифӣ шуда, зинаи дуюмро собиқ сафири Федератсияи Россия дар Ҷумҳурии Тоҷикистон Рамазон Абдулатипов касб намудааст. Раиси Бонки миллии Тоҷикистон Шариф Раҳимзода беҳтарин бонкдор шинохта шуда, ҷойҳои дуюм ва сеюмро раисони «Ориёнбонк» Ҳасан Асадуллозода ва «Агроинвестбонк» Ниёзмурод Саидмуродов ишғол намудаанд. Директори ширкати «Вавилон-М» Беҳзод Файзуллоев соҳибкори беҳтарин дар соли 2008 муаррифӣ шуда, ҷойҳои дуюм ва сеюм насиби Абдуҳалим Қодиров («Ёқут-2000») ва Зайд Саидов гардид. Раиси Иттифоқи журналистони Тоҷикистон, сармуҳаррири ҳафтаномаи «Чархи гардун» Акбаралӣ Сатторов беҳтарин журналисти соли 2008 эътироф шуд. Овозхони ҷавону боистеъдод Таҳмина Ниёзова ҳунарманди беҳтарини соли 2008 гардид. Тавре сардабири рӯзномаи «Курьер» Таджикистна» Муҳаммадҷон Тоштемиров зимни мусоҳиба ба хабарнигори АМИТ «Ховар» гуфт», «чунин назарсанҷӣ дар байни кормандони ВАО ҷиҳати муайян намудани шахсиятҳо ва чеҳраҳои маъруфу шинохтаи кишвар ба таври анъанавӣ аз соли 1999 инҷониб аз сӯи рӯзномаимазкур гузаронида мешавад». Дар ҷамъбасти соли 2008 аз рӯи 6 номгӯй беҳтарин сиёсатмадор, сафири беҳтарин, бонкдори беҳтарин, соҳибкори беҳтарин, журналисти беҳтарин, ҳунарманди беҳтарини сол назарсанҷӣ сурат гирифт, ки дар он 38 нафар намояндаи ВАО-и кишвар, аз ҷумла сардабирони рӯзномаву маҷаллаҳо, радио ва телевизион, хабаргузориҳои иттилоотии Тоҷикистон ширкат намуданд.
Тоҷикистон то соли 2032 ба кишвари тавлидкунандаи энергияи «сабз» табдил хоҳад ёфт
«САЁҲАТ БА ҚАЛБИ АВРУОСИЁ». Иштирокчиёни экспедитсия бо фарҳанг ва анъанаҳои мардуми Қазоқистон шинос шуданд
Дар Донишгоҳи байналмилалии сайёҳӣ ва соҳибкорӣ бахшида ба Рӯзи Ваҳдати миллӣ ҳамоиш баргузор шуд
Барои пешгирии вайроншавии қабати болоии роҳ аз таъсири ҳавои гарм чӣ тадбир андешида мешавад?
Дар лагери «Сарҳадбон» 100 нафар кӯдакон аз оилаҳои хизматчиёни ҳарбӣ ба истироҳат фаро гирифта шуданд
ТИРГОН, ЯЪНЕ, КИ ҚАДРИ ОБ ДОН. Миллате, ки об барояш муқаддас аст
Имрӯз дар шаҳри Душанбе ҳаво то 39 дараҷа гарм мешавад
Имрӯз дар водиҳои Тоҷикистон ҳаво то 40 дараҷа гарм мешавад
Дар 130 муассисаи таълимии ноҳияи Рӯдакӣ беш аз 10 ҳазор наврасон ба истироҳат фаро гирифта шудаанд
Имрӯз дар ноҳияҳои алоҳидаи Тоҷикистон чангу ғубор ба амал меояд
Дар Душанбе ҳамоиши сиёсӣ-фарҳангӣ таҳти унвони «Пешвои миллат — меъмори Ваҳдат» доир гардид
МЕГАФОН ТОҶИКИСТОН: Дар Санкт –Петербург Созишнома оид ба ҳамкории оператор бо таҳиягари пешбари Русия — Ivideon имзо гардид
