ХАЙРИНИСОИ МАВЛОН ДАР ДОНИШГОҲИ ОМӮЗГОРӢ МАШВАРАТ МЕГУЗАРОНАД

                Душанбе, 18 декабр. (АМИТ «Ховар», Лутфия Эшонқулова).- 20-уми декабр дар Донишгоҳи давлатии омӯзгории Тоҷикистон ба номи С. Айнӣ таҳти унвони «Пешгирии зуҳуроти номатлуб дар байни ҷавондухтарон» семинар баргузор мегардад. Дар он раиси Кумитаи зан ва оилаи ҶТ Хайринисои Юсуфӣ бо донишҷӯдухтарони ДДОТ сӯҳбат намуда, доир ба пешгирӣ намудани зуҳуроти номатлуб машварат мегузаронад.                Тавре ба АМИТ «Ховар» котиби масъули семинар Марҳабо Олимова хабар дод, барои иштирок намудан дар чорабинии мазкур намояндагони ҳифзи ҳуқуқ низ даъват шудаанд.               Дар доираи семинар 5 нафар донишҷӯдухтарон, ки бо баҳои хубу аъло таҳсил менамоянд, бо ифтихорнома қадрдонӣ карда мешаванд.