ИСТИФОДАБАРАНДАГОНИ ҚУВВАИ БАРҚ АЗ ЭНЕРГЕТИКҲО ҚАРЗДОРАНД

         Қӯрғонтеппа,  25  декабр.  (АМИТ «Ховар», Мурод  Сотиев). – Кормандони  муассисаи  фурӯши  барқи  ноҳияи  Қумсангир  аз  афзудани  маблағи  қарзи  истифодабарандагони  қувваи  барқ  изҳори  ташвиш  менамоянд. Роҳбари  идораи  мазкур  Баҳриддин  Шарифов  ба  мухбири  АМИТ «Ховар»  гуфт, ки   қисми  зиёди  қарз  аз  ҳисоби  истифода  бурдани  қувваи  барқ  ба хоҷагии  об  рост  меояд.  Хоҷагии  мазкур  аз  энергетикҳо  қариб  2  миллион  сомонӣ  қарздор  аст. Хоҷагиҳои  пахтакори  ноҳия   бештар  аз  700 ҳазор  сомонӣ ва   корхонаи  коркарди  пахта  зиёда аз  100  ҳазор  сомонӣ  қарздоранд. Маблағи  умумии  қарзи  қувваи  барқи  истифодашуда   дар  ноҳия  қариб  ба  3  миллион  сомонӣ  мерасад. Б.Шарифов зикр  намуд, ки  нисбати   қарздорони  ашаддӣ   тадбирҳои   маъмурӣ  андешида  мешаванд. Вобаста  ба  ин  масъала  ба  прокуратура  23  ариза  пешниҳод  карда  шуд,  гуфт вай.