КӮДАКОНИ МАЪЮБ РАМЗҲОИ ДАВЛАТИИ ТОҶИКИСТОНРО СОХТАНД
Душанбе, 23 декабр. (АМИТ «Ховар», Лутфия Эшонқулова).- Имрӯз бо дастгирии Китобхонаи миллии ҶТ ба номи А. Фирдавсӣ намоиши асарҳои кӯдакони эҷодкор бо номи «Меҳрубонӣ ва хайрхоҳӣ» ифтитоҳ гардид. Дар намоиш тасвиру мусаввараҳои қариб 30 нафар кӯдаки маъюб ва рӯҳан носолим ба маърази тамошо гузошта шуд. Ин кӯдакон тарбиятгирандагони Маркази ҷумҳуриявии солимгардонии кӯдакон буда, бо ҳамроҳии мураббии худ Андрей Сметанкин аз зарфҳои пластикӣ нигораҳои ҷолиб, аз ҷумла рамзҳои давлатии Тоҷикистон, кураи замин ва дигар ашёҳоро сохтаанд. Дар намоиши кӯдакон намояндагони вазоратҳои фарҳанг, маориф, ҳифзи муҳити зисти ҶТ иштирок намуда, ба кӯдакони маъюб тӯҳфаҳои солинавӣ ва барномаи консертӣ тақдим намуданд. Андрей Сметанкин ба ташаббускорони чорабинӣ изҳори миннатдорӣ намуда, чунин иброз дошт: «Кӯдакони маъюб дар баробари дигар кӯдакони солим дар Соли Нав мӯъҷизаро интизоранд ва имрӯз ба шарофати Китобхонаи миллӣ орзуҳои солинавии онҳо ҷомаи амал пӯшид». Бояд зикр намуд, ки намоиш то 30-юми декабр идома хоҳад ёфт.
Аз 1 то 3 май дар баъзе шаҳру ноҳияҳои Тоҷикистон ифлосшавии ҳавои атмосферӣ дар назар аст
Монографияи илмӣ оид ба журналистикаи сайёҳӣ ба нашр расид
«ТОҶИКИСТОНИ МАН!». Дар шаҳри Ҳисор маҳфил-озмун ҷамъбаст гардид
Имрӯз дар минтақаҳои доманакӯҳии ноҳияҳои тобеи Тоҷикистон сар задани сел пешгӯӣ мешавад
Сокини ноҳияи Кӯшониён аз ҳар қуттӣ кирмак то 35 килограмм пилла ба даст меорад
Имрӯз дар баъзе минтақаҳои Тоҷикистон борон меборад
Имрӯз дар баъзе минтақаҳои Тоҷикистон рӯзона борони кӯтоҳмуддат меборад
Дар шаҳри Бӯстон доир ба татбиқи лоиҳаҳои муштараки иҷтимоӣ бо соҳибкорон вохӯрӣ баргузор шуд
Дар даҳсолаи охир дар ҷаҳон шумораи одамони бо гуруснагии фалокатбор рӯбарӯ нуҳ маротиба афзоиш ёфтааст
Имрӯз дар шаҳри Душанбе ҳаво то 29 дараҷа гарм мешавад
Имрӯз дар Тоҷикистон ҳавои тағйирёбандаи бебориш пешгӯӣ мешавад
Озмуни ҷумҳуриявии «Ҷавонон муқобили коррупсия» баргузор мешавад
