КӮМАКИ ХАЙРИЯ БА МАКТАБ — ИНТЕРНАТ

Душанбе, 30 декабр. (АМИТ «Ховар», Мавҷуда Давлатзода).- Агентии назорати маводи нашъадори назди Президенти ҷумҳурӣ дирӯз ба  тарбиягирандагони хона — интернати маъюбон ва одамони солхӯрдаи ноҳияи Турсунзода  «Батош»  ба маблағи ҳазор сомонӣ кӯмаки хайрия расонд. Ба  тарбиягирандагони интернат маводи хӯрока, телевизор, видеомагнитофон, мавҷгири телевизионӣ, яхдон, мизи теннисбозӣ ва асбобу анҷоми дигари зарурӣ тӯҳфа карда шуд. Мухбири АМИТ «Ховар»  хабар медиҳад, ки Агентии назорати маводи нашъадори назди Президенти ҷумҳурӣ ба  хона — интернати мазкур аз аввали соли 2008 ба маблағи 10,5  ҳазор сомонӣ кӯмаки хайрия расонд.