КОҲИШИ ВУРУДИ МАБЛАҒ БА ИҚТИСОДИЁТИ ҶТ ЗАРАР МЕРАСОНАД

           Душанбе,  12  декабр. (АМИТ «Ховар»,  Покиза  Маҳмадбекова). –  Созмони ҳамкории  иқтисодӣ  ва  рушд пешбинӣ  мекунад, ки  ҳаҷми  интиқоли  пул  аз  коргарони  муҳоҷир  ба  Тоҷикистон  дар  давоми  соли  2009   дар  натиҷаи  бӯҳрони  шадиди  молиявии  мамлакатҳои  тараққикардаи  саноатӣ  хеле  кам  хоҳад  шуд. Ин  пеш  аз  ҳама  ба иқтисодиёти Ҷумҳурии  Тоҷикистон  ва  Молдавия   зарари  калон расонда  метавонад. Зеро   дар ин  мамлакатҳо   ба  вуруди  пул   аз  ҳисоби  коргарони  муҳоҷир   диққати  калон  дода  мешавад. Мувофиқи  маълумоти  Бонки  ҷаҳонӣ дар  давоми  9  моҳи  соли  2008  коргарони  муҳоҷир  ба  воситаи   бонкҳо  ба  Тоҷикистон  бештар аз  2  миллиард  доллари  ИМА пул  фиристоданд. Ин  36  фоизи  ҳаҷми  маҳсулоти  умумии  дохилии  мамлакатро ташкил  медиҳад.