КОНФРОНС БАХШИДА БА ЗОДРӮЗИ Б.ҒАФУРОВ

        Хуҷанд,  26  декабр. (АМИТ «Ховар»,  Санавбар Мақсудова). –  Имрӯз дар  шаҳри  Хуҷанд  дар  мавзӯи  «Бобоҷон  Ғафуров  ва  проблемаҳои  таҳқиқи  таъриху  фарҳанги  халқи тоҷик»  конфронси   илмию  назарии  ҷумҳуриявӣ  баргузор  гардид. Раиси   вилоят  Қоҳир  Расулзода   дар  бораи ҳаёт ва  фаъолияти  илмии  Б.Ғафуров  маърӯза  кард. Конфронс ба муносибати 100 – солагии рӯзи  таваллуди  Бобоҷон  Ғафуров  гузаронида шуд. Баъди  чошт  конфронси  мазкур  дар  маҳфилҳои  алоҳидаи  «Ғафуровшиносӣ»,  «Таърих,  бостон  ва  мардумшиносӣ»  ва «Забону  адабиёти  тоҷик»  давом  дода  шуд.