ЛӮБИЁИ ЧИНӢ ДАР ҲАРОРАТИ 2000 — 2300 ДАРАҶА МЕПАЗАД

            Душанбе, 11 декабр. (АМИТ «Ховар», Лаззат Диловарзод).- Лӯбиёи чинӣ (соя) серғизотарин зироат ба ҳисоб меравад. Дони он дар таркиби худ 35-50 фоиз сафеда ва 17-27 фоиз равған дорад,- иброз дошт номзади илмҳои кишовазӣ Р. Р. Шарипов ба мухбири АМИТ «Ховар».                Аз дони соя зиёда аз 400 намуди хӯрокаи серғизо тайёр мекунанд. Он ҳам дар кишти асосӣ ва ҳам дар кишти такрорӣ истифода бурда мешавад. Барои мӯътадил пӯхта расидани соя 2000 — 3200 дараҷа ҳарорати фоидабахш лозим аст, ки чунин ҳарорат дар  қисмати ҷанубии Ҷумҳурии Тоҷикистон дар давоми моҳҳои июн — октябр вуҷуд дорад. Дар ҷумҳурӣ асосан навъҳои «Орзу» ва «Ситора» дар истеҳсолот мавриди истифодаанд, ки аз офаридаҳои олимони ҷумҳурӣ мебошанд.