М. УБАЙДУЛЛОЕВ ДАР КИТОБИ ТЕАТРИ МИЛЛИИ ПЕКИН СОЯДАСТ ГУЗОШТ

         Душанбе, 3 декабр. (АМИТ «Ховар», Марзия Саидова).-Дар чаҳорчӯбаи сафари  расмии худ ба Ҷумҳурии Мардумии Чин,  3-юми  декабр Раиси Маҷлиси миллии Маҷлиси Олии Ҷумҳурии Тоҷикистон Маҳмадсаид Убйдуллоев Театри миллии Пекинро тамошо карда, ба ҳайси ташрифоварандаи ифтихорӣ  соядасти худро дар китоби Театр гузошт. Тавре ёвари Раиси палатаи болоии парлумони мамлакат оид ба робита бо ВАО ва СҒД Шавкат Саидов аз Пекин ба АМИТ «Ховар» иттилоъ дод,  М. Убайдуллоев бо муовини раиси Комиссияи доимии Маҷлиси умумихитойии намояндагони халқ, академик Лу Юнсян мулоқот карда, масъалаҳои тақвияти ҳамкории байнипарлумонии Тоҷикистону Чинро баррасӣ намуданд. Онҳо ба сатҳи муносибатҳои гуногунсоҳаи ҳар ду кишвари дӯст, бахусус робитаҳои байнипарлумонӣ  баҳои баланд доданд. Ҳамчунин, имрӯз мулоқоти М. Убайдуллоев бо президенти «Эксимбонк» Ли Жогу ва раиси Комиссияи доимии Маҷлиси умумихитойии намояндагони халқи Ҷумҳурии Мардумии Чин У Банго дар назар аст.