М. УБАЙДУЛЛОЕВ ДАР НАЗДИ ВАКИЛОНИ ХАЛҚИ ДУШАНБЕ ҲИСОБОТ МЕДИҲАД

      Душанбе, 10 декабр.(АМИТ «Ховар», Марзия Саидова).- 25 декабри соли 2008 дар шаҳри Душанбе иҷлосияи шонздаҳуми Маҷлиси вакилони халқи шаҳри Душанбе даъвати сеюм баргузор мегардад. Дар ин хусус Раиси шаҳри Душанбе Маҳмадсаид Убайдуллоев қарор ба имзо расонд. Тибқи рӯзномаи иҷлосия раиси шаҳри Душанбе М. Убайдуллоев дар назди вакилон доир ба иҷрои барномаҳои иҷтимоию иқтисодии шаҳри Душанбе, дар соли 2008, нақшаҳои рушд, буҷети шаҳри Душанбе ва вазифаҳои  Мақомоти иҷроияи маҳаллии ҳокимияти давлатӣ дар пойтахт барои соли 2009 ҳисобот медиҳад. Ҳамчунин вакилони Маҷлиси вакилони халқи шаҳри Душанбе як қатор масъалаҳои вобаста ба рушди иқтисодию иҷтимоии пойтахтро баррасӣ менамоянд. Дар анҷоми иҷлосия як қатор қарорҳои раиси шаҳри Душанбе тасдиқ карда мешаванд.