МАНФИАТИ ПАХТАКОРӢ АЗ КОРКАДИ ОН ВОБАСТА АСТ

          Душанбе, 16 декабр. (АМИТ «Ховар», Лаззат Диловарзод).- Бино ба маълумоти Маркази матбуот ва иттилооти Вазорати кишоварӣ, соли ҷорӣ истеҳсоли пахта қариб ба 350 ҳазор тонна расонида шуд, ки ин нисбат ба соли 2007 100 ҳазор тонна камтар аст. Бино ба иттилои биржаи молу ашё, қиммати 1 тонна нахи пахта дар биржаи пахтаи Ливерпул ба 1200 доллари амрикоӣ баробар аст, ки ин нисбат ба се-чор моҳи пеш 600 доллар арзонтар мебошад. Мутахассисони Вазорати кишоварзӣ роҳи баланд бардоштани қиммати пахтаро дар коркарди он дар корхонаҳои дохили кишвар мебинанд.  — Танҳо пахтаи коркардшуда метавонад қиммати онро дар дохил ва хориҷи кишвар боло бардорад,- иброз дошт сардори Раёсати пахтакорӣ Саидмурод Баҳриддинов ба мухбири АМИТ «Ховар».