МУЛОҚОТ БО САФИРИ ҲИНДУСТОН

          Душанбе, 10 декабр. ( АМИТ «Ховар», Покиза Маҳмадбекова).- Раиси Палатаи савдо ва саноати  ҷумҳурӣ Шариф Саид зимни мулоқот бо сафири кабири Ҳиндустон дар Тоҷикистон  Омар Сингх масъалаҳои марбут ба ташкили корхонаҳои муштаракро дар мамлакат баррасӣ намуд. Мусоҳибон  аз  афзоиши  ҳаҷми хариду фурӯши мол дар байни Тоҷикистону Ҳиндустон изҳори  қаноатмандӣ намуданд. Зимни сӯҳбат инчунин масъалаҳои ба Тоҷикистон фиристодани  қисмҳои эҳтиётии мошинҳи сохти Ҳиндустон, рушди ҳамкорӣ дар соҳаи сохтмон, парвози мустақими ҳавопаймоҳҳо дар байни ҳар ду мамлакат ва ғайра муҳокима шуданд. Баъдан ба масъалаи  ҳамкорӣ дар  масъалаи  тайёр кардани  кадрҳои варзидаи соҳаи соҳибкорӣ ва тиҷорат дахл карда шуд. Шариф Саид пешниҳод кард, ки соли оянда дар Тоҷикистон  намоишгоҳи молҳоии  сохти Ҳиндустон  ва мулоқоти тоҷирону соҳибкорони ҳар ду мамлакат ташкил карда шаванд.