МУЛОҚОТ ДАР ПАЛАТАИ САВДО ВА САНОАТ

         Душанбе, 1  декабр. АМИТ «Ховар»,   Покиза  Маҳмадбекова). – Раиси палатаи  савдо ва  саноати  ҷумҳурӣ Шариф Саид бо  намояндагони Иттиҳоди  Аврупо  дар  ҳайати  намояндаи  муваққатии  Иттиҳои  мазкур  Шарлота Адриан ва  менеҷери  барномаҳои  иттиҳод  Фредерик Кунэ мулоқот  кард. Ҳадафи  ташрифи   намояндагони Иттиҳоди  Аврупо  ба  Тоҷикистон  муҳокимаи  масъалаҳои  марбут  ба  ҳамкории  дуҷониба  мебошад. Зимни  сӯбат   барномаҳое  мавриди  баррасӣ  қарор  гирифтанд, ки  Иттиҳоди  Аврупо  дар  Осиёи  Марказӣ  амалӣ  месозад. Яке  аз  онҳо   барномаи  стратегии Иттиҳоди  Аврупо  дар  Осиёи  Марказӣ  мебошад, ки  соли  2007 қабул  шуда  буд. Ш.Саид  пешниҳод  кард, ки  масъалаи   дар  ҷумҳурии Тоҷикистон  баргузор  сохтани  мулоқоти  тоҷирону  соҳибкорони  тоҷик  ва  мамлакатҳои  аъзои  Иттиҳоди  Аврупо   баррасӣ  карда шавад.