МУЛОҚОТИ МАСЪАЛАҲОИ ҲАМКОРӢ

          Душанбе, 2  декабр. АМИТ «Ховар»,   Мавҷуда  Давлатзода). – Вазири  адлияи  Ҷумҳурии  Тоҷикистон  Бахтиёр  Худоёров  дар  маҷлиси  навбатии  Шӯрои  вазирони адлияи  назди Кумитаи  ҳамгироии  Ҷомеаи  иқтисодии  Евразия  иштирок  дорад, ки  имрӯз  дар  шаҳри  Санкт – Петербург  кушода  шуд. Дар  маҷлис  масъалаҳои  ҳамкорӣ  ва  ҳамгироии  мамлакатҳои  аъзои  ҷомеа  дар  соҳаи  ҳуқуқ,  аз  ҷумла,  ҳамоҳанг  сохтани  қонунҳо,   ташакккул  ва  амалӣ  сохтани  сиёсати  ҳуқуқ,  инчунин  бунёди  заминаи  ягонаи  иттилоотию  ҳуқуқии  давлатҳои  аъзои  ҷомеа  муҳокима  мешаванд. Ҳамчунин  муқаррар  намудани  муносибатҳои  умумӣ  барои  такмилу ташаккули  ҳамкории   давлатҳои  аъзои  ҷомеа  дар  масъалаҳои  амалӣ  сохтани  қарори  судҳо,  фаъолияти   вакилони  дифоъ ва  низоми ҷиноию иҷрои  ҳукм  идома  дода  мешавад.            Вазирони  адлияи  давлатҳои  аъзои  ҷомеа  маҷмӯи  масъалаҳоро   дар  бобати коҳиш  додани   зуҳуроти   ришвахӯрӣ  баррасӣ  намуда, роҷеъ  ба  гузаронидани  ташхиси  зидди  ришвахӯрӣ  дар  ҳуҷҷатҳои  меъёрию  ҳуқуқӣ  таҷриба  иваз  мекунанд.