НОМИ ОҲАНГСОЗИ МАЪРУФ БА КОНСЕРВАТОРИЯИ МИЛЛӢ ГУЗОШТА ШУД

                  Душанбе, 22 декабр. (АМИТ «Ховар», Таҳмина Ғоибназарова). — Ба Консерваторияи миллии Тоҷикистон номи ташкилкунанда ва ректори собиқи он Талаб Сатторов гузошта шуд. Ба ин муносибат 25 декабр дар дар ин ҷо ҷамъомади серодам баргузор мегардад.                 Т.Сатторов ташаббускори таъсиси Консерваторияи миллӣ ва то соли 2007 ректори он буд. Ҳамон сол Т.Сатторов аз олам даргузашт. Ба ҷойи ӯ нафари дигар таъин гардид, вале ёди ташкилкунандаи ин боргоҳи ҳунар то имрӯз дар ёди ҳаводорону мухлисони санъати волои миллӣ зинда аст.                 Ба муносибати гузоштани номи оҳангсози маъруф ба консерватория консерти калон баргузор хоҳад гашт. Дар он асарҳои мусиқии Т.Сатторов дар иҷрои шогирдон ва ҳамкоронаш садо медиҳанд.