НОЗИРОНИ ТОҶИК БА АШҚОБОД МЕРАВАНД
Душанбе, 5 декабр. (АМИТ «Ховар». Марзия Саидова).- Намояндагони Тоҷикистон аз ҷараёни баргузории интихоботи парлумонӣ дар Туркманистон, ки 14- уми декабри соли 2008-ум баргузор мегардад, мушоҳида мекунанд. Ҳайати нозирони тоҷик таҳти роҳбарии Раиси Комиссияи марказии интихобот ва раъйпурсии Ҷумҳурии Тоҷикистон Мирзоалӣ Болтуев 12-уми декабр озими Ашқобод мешавад. Дар ин хусус роҳбари Дастгоҳи Комиссияи марказии интихобот ва раъйпурсии Ҷумҳурии Тоҷикистон Муҳибулло Додоҷонов ба АМИТ «Ховар» иттилоъ дод. Ҳамчунин, барои мушоҳидаи ҷараёни баргузории интихоботи парлумонӣ -Маҷлиси Туркманистон аз кишварҳои аврупоӣ ва созмонҳои бонуфузи байналмилалӣ нозирон даъват карда шудаанд. Дар маҷмӯъ беш аз 40 нозири хориҷӣ аз кишварҳои гуногуни ҷаҳон, инчунин, Кумитаи иҷроияи ИДМ, Ассамблеяи байнипарлумонии ИДМ, намояндагони корпусҳои дипломатии муқими Ашқобод ҷараёни баргузории интихоботро дар ин кишвар мушоҳида менамоянд. Тибқи иттилои сомонаи интернетии Turkmenistan.ru, чанде пеш роҳбари ситоди намояндагӣ, муовини аввали котиби Кумитаи иҷроияи ИДМ Владимир Гаркун зимни сафари худ ба Туркманистон ҳамроҳи роҳбарияти Комиссияи марказии интихобот ва раъйпурсии Туркманистон аз як қатор ҳавзаю қитъаҳои интихоботии шаҳру вилоятҳои ин кишвар боздид намуд. Вай бо ҷараёни омодагӣ ба ин чорабинии муҳими сиёсӣ ошно гардид. Ҳамзамон, ин сомона навиштааст, ки роҳбарияти Туркманистон ҷиҳати дар сатҳи баланд, шаффофу демократӣ ва бо иштироки нозирони байналмилалӣ гузаронидани интихоботи парлумонӣ тадбирҳои мушаххас андешидааст. Коршиносон бар он ақидаанд, ки ин иқдоми раҳбарияти Туркманистон қадами ҷиддиест дар роҳи наздикшавии ин кишвар ба Ғарб, ки ҳадафи он ҷалби сармоягузорони хориҷӣ ҷиҳати истихроҷи газу нафт дар кишвар мебошад. Дар Туркманистон 125 ҳавзаи интихоботӣ ташкил карда шудааст. Бояд зикр кард, ки тибқи ворид намудани тағйиру иловаҳо ба Конститутсияи ин кишвар, ба Маҷлиси Туркманистон, ки аз як палата иборат аст, 125 вакил интихоб карда мешавад.
Имрӯз дар водиҳои Тоҷикистон ҳаво то 39 дараҷа гарм мешавад
Раиси вилояти Хатлон дар Қазоқистон бо ҳамватанон ва соҳибкорони тоҷик вохӯрӣ намуд
Дар марказҳои таълимии шаҳри Кӯлоб аз рӯи 52 касбу ихтисос мутахассис омода карда мешавад
Имрӯз дар шаҳри Душанбе ҳаво то 33 дараҷа гарм мешавад
Дар Коллеҷи омори шаҳри Ваҳдат ба муносибати қабули ташаббуси навбатии ҷаҳонии Тоҷикистон ҳамоиши илмӣ баргузор шуд
Имрӯз дар шаҳри Душанбе ҳаво то 35 дараҷа гарм мешавад
ВАҲДАТИ МО КОХИ ПИРӮЗИИ МОСТ! Мулоҳизаҳои Шоири халқии Тоҷикистон Камол Насрулло
Ҳар як шаҳрванд бояд дарк намояд, ки мубориза бо коррупсия танҳо вазифаи мақомоти ҳифзи ҳуқуқ нест
Дар Бохтар бахшида ба қабули Даҳсолаи байналмилалӣ оид ба таҳкими сулҳ аксияи ҳизбии «Тақдими варақаҳои иттилоотӣ ба сокинон» баргузор шуд
Имрӯз дар шаҳри Душанбе ҳаво то 38 дараҷа гарм мешавад
Дар Варзоб Конфренсияи илмӣ-амалии «Ваҳдати миллӣ – шукуфоии Ватан мебошад» баргузор шуд
Дар дастгоҳи Ваколатдор оид ба ҳуқуқи инсон бахшида ба Рӯзи Ваҳдати миллӣ ҳамоиш баргузор гардид
