ОҚИБАТИ БӮҲРОНИ ҶАҲОНИИ МОЛИЯВӢ БАРТАРАФ КАРДА МЕШАВАД

           Душанбе, 11   декабр. (АМИТ «Ховар»,  Наргис  Бояхмедова,  Покиза  Маҳмадбекова). –  Раиси  Бонки  миллии Тоҷикистон Шариф   Раҳимзода  имрӯзҳо  дар  пойтахти  Федератсияи  Русия  шаҳри  Маскав  мусофират  дорад. Вай   дар  маҷлиси  муштараки  аъзои  Шӯрои  сиёсати  молиявию  иқтисодии   давлатҳои  аъзои Ҷомеаи  иқтисодии  Евразия  ва  Шӯрои  роҳбарони  бонкҳои  марказию  миллии   давлатҳои  аъзои  ҷомеаи  мазкур  ширкат  меварзад. Ин  маҷлис  ҳамин  рӯз  кушода  хоҳад  шуд.  Аз  Бонки  миллии  Тоҷикистон  ба  АМИТ «Ховар»  хабар  доданд, ки  дар  маҷлис  масъалаҳои  бартараф  сохтани оқибати  бӯҳрони  ҷаҳонии  молиявӣ  муҳокима  карда  хоҳад  шуд.