ОИЛАҲОИ ЗАНБӮРИ АСАЛИ БЕМОРРО БО ДОРУИ ИСТЕҲСОЛИ ВАТАНӢ ТАБОБАТ КАРДАНД

         Душанбе, 10 декабр. (АМИТ «Ховар», Лаззат Диловарзод).- Соли ҷорӣ кормандони озмоишгоҳи Пажӯҳишгоҳи ветеринарӣ бар зидди касалиҳои пилишти кирмина ва замбурӯғи занбӯри асал аз доруи истеҳсоли ватанӣ-субтилбен истифода намуданд,- иброз доштанд дар озмоишгоҳ ба мухбири АМИТ «Ховар». Дараҷаи таъсирнокии ин дору ҳангоми истифода муайян карда шуд. Баъди истифодаи секаратаи он бо қандоб ба миқдори аз 250 то 300 грамм, дар мӯҳлати 3-4 рӯз оилаҳои занбӯри асали ба бемориҳои пилишти кирмина ва замбурӯғӣ гирифтор табобат ёфтанд.