ОЛИМОН ДАР БАЛАНДИИ 2700 МЕТР ТАҶРИБА МЕГУЗАРОНАНД

              Душанбе, 19 декабр. (АМИТ «Ховар», Лаззат Диловарзод).- Академияи илмҳои кишоварзии ҷумҳурӣ барои ба вуҷуд овардани навъҳои нави картошка дар ҳамкорӣ бо деҳқонони маҳаллӣ дар баландии 2700 метр аз сатҳи баҳр дар ноҳияи Ҷиргатол қитъаи махсуси замини таҷрибавӣ ташкил дод,- иброз доштанд ба мухбири АМИТ «Ховар».               Ба гуфтаи котиби илмии Академияи илмҳои кишоварзӣ Давлатҷон Комилзода, порсол аз майдони таҷрибавӣ 120 тонна картошкаи хушсифат гирифта, барои такрористеҳсолкунӣ ба дигар хоҷагиҳои деҳқонӣ (фермерӣ) додаанд.              — Қитъаи таҷрибавӣ, ки ҳоло аз 8 га иборат аст, барои таҷриба ва ба даст овардани навгониҳои илмӣ кофӣ мебошад,- мегӯянд олимон.