РӮЗҲОИ НАЗДИКТАРИН ДАР ТОҶИКИСТОН БАРФ МЕБОРАД

          Душанбе,  15  декабр.(АМИТ «Ховар»,  Лутфия  Эшонқулова). – Ҳавошиносон  хабар  медиҳанд, ки  пагоҳ,  16  декабр  дар  пойтахти  мамлакат ҳаво  хунук  шуда,  баъди  чошти  17  декабр   боридани  барф   пешбинӣ  карда  мешавад. Роҳбари  маркази  пешгӯии  вазъи  ҳавои  Муассисаи  ҳавосанҷии  пойтахти  ҷумҳурӣ  Ҷамила  Байдуллоева  ба  АМИТ «Ховар»  хабар  дод, ки ҳавои  ҷумҳурӣ  аз 17  то 20  декабр  тағирёбанда  ва абролуд   буда, эҳтимоли  ба  барф  табдил  ёфтани  борон  пешгӯӣ  карда  мешавад. Дар  мавриди  боридани  барф  ҳарорати  ҳаво  шабона  то 3  дараҷа  хунук  ва  рӯзона  то  7  дараҷа  гарм  мешавад.