«РЕГАР – ТАДАЗ» ҚАҲРАМОНИ ҲАФТКАРАТАИ ФУТБОЛИ ТОҶИКИСТОН

          Душанбе,  15  декабр.  (АМИТ «Ховар»,  Пайрав   Назаров). – Дастаи  футболбозони  «Регар – Тадаз»  дар  даври  38 – уми  мусобиқоти  қаҳрамонӣ қувваозмоиро бо  дастаи  «Динамо»  бо  ҳисоби  1:1  якранг  анҷом  дода,  дар  ҷадвали  мусобиқа  ҷои  аввалро ишғол  намуд  ва  дафъаи  ҳафтум қаҳрамони  футболи  Тоҷикистон  гардид. Дастаи  мазкур  қабл  аз ин солҳои 2001, 2002, 2003,  2004, 2006 ва  2007 қаҳрамони  футболи  ҷумҳурӣ  шуда буд.  Футболбозони  даста  имрӯз  бо  дастаи «Вахш» қувваозмоӣ  мекунанд. Мухбири  АМИТ «Ховар»  хабар  медиҳад, ки дастаҳои  «Хуҷанд» ва «Парвоз»  барои  ба  даст  овардани  ҷойҳои  дуюму  сеюм мубориза  мебаранд.