«РЕГАР — ТАДАЗ» БАРОИ ҶОМИ ИТТИҲОД МУБОРИЗА МЕБАРАД

        Душанбе, 1  декабр. (АМИТ «Ховар»,  Пайрав  Назаров). – Имрӯз   дар шаҳри Маскав маросими қуръапартоии мусобиқоти  байналхалқии  футболи  мамлакатҳои  аъзои  ИДМ  ва  назди  Балтика  барои  ба даст овардани Ҷоми  Иттиҳод  баргузор мегардад. Аз  Тоҷикистон  имсол  барои ба  даст  овардани  ҷоми  мазкур  дастаи  футболбозони  «Регар – Тадаз»  мубориза  мебаранд. Бояд  гуфт, ки  дастаи  мазкур  дар  байни  дастаҳои  лигаи олии  мамлакат  пеш  аз  мӯҳлат қаҳрамони  соли  2008 гардид.          Мусобиқаи  байналхалқӣ  барои   ба  даст  овардани  Ҷоми  Иттиҳод аз  17 то  26  — уми  январ  дар  Маскав  баргузор мегардад.