САФАРИ ДИРЕКТОРИ ГЕНЕРАЛИИ «ТОҶИКГАЗ» БА ТОШКАНД

         Душанбе,  29  декабр. (АМИТ «Ховар»,  Жасмин  Назарова). –  Ҳайати  Тоҷикистон таҳти роҳбарии   директори генералии Корхонаи  воҳиди  давлатии «Тоҷикгаз»  Фатҳиддин   Мӯҳсиддинов  барои гуфтушунид  бо намояндагони  Ӯзбекистон  дар  мавзӯи  муқаррар  намудани  нархи   гази табиӣ  ба  Тошканд  рафт. Мухбири  АМИТ «Ховар» ёдовар  мешавад, ки  ширкати «Ӯзтрансгаз» интиқоли  газро  ба  Тоҷикистон  бо  сабаби  сари  вақт  напардохтани пули он  маҳдуд  намуд. Аз  Корхонаи  воҳиди  давлатии «Тоҷикгаз»  ба  АМИТ «Ховар»  хабар   доданд, ки  Тоҷикистон аз Ӯзбекистон аз  ҳисоби  хариди  гази табиӣ  12  миллион  доллари  ИМА  қарздор  мебошад.