СОЛИ ҶОРӢ НИЗ ЗИМИСТОНИ ҚАҲРАТУН ПЕШГӮӢ ШУДААСТ

              Душанбе, 18 декабр. (АМИТ «Ховар», Лаззат Диловарзод).- Тибқи иттилои Вазорати кишоварзӣ, соли ҷорӣ дар майдони 281 га кишти тирамоҳии картошка гузаронида шудааст, ки ин ба 9,2 фоизи нақша баробар аст.            Дар майдони 281 га гузаронидани кишти тирамоҳии картошка сабабҳои объективӣ ва субъективӣ дорад.            Лозим ба ёдоварист, ки картошкаи тирамоҳии соли 2007 кошташуда бо сабаби хунукиҳои шадиди зимистони соли 2008 қисман нобуд шуд. Хоҷагиҳо аз ин зарари сахти моддӣ диданд.            Тибқи маълумоти Идораи обу ҳавосанҷии кишвар, соли ҷорӣ низ чунин зимистони қаҳратун пешгӯӣ шудааст. Аз ин ҷиҳат, кам кардани кишти тирамоҳии картошка бо сабабҳои объективӣ ба кишти барвақтии баҳорӣ гузаронида мешавад.