ТАЪСИРИ БӮҲРОНИ ҶАҲОНИИ МОЛИЯВӢ БА ФАЪОЛИЯТИ БОНКҲОИ ҶТ

          Душанбе, 3  декабр. (АМИТ «Ховар», Бекназари  Абӯбакр). –  Раиси Ассотсиатсияи  бонкҳои  Тоҷикистон  Иззатулло  Лаълбеков бо  намояндаи  доимии Хазинаи  байналхалқии  асъор   дар  Тоҷикистон Люк  Мойерс  мулоқот  кард. Зимни  мулоқот  масъалаҳои  марбут  ба  вазъи  имрӯзаи  фаъолияти  бонкҳо,  таъсири  бӯҳрони  ҷаҳонии молиявӣ  ба   фаъолияти онҳо,  инчунин  зарурати  расондани  кӯмак  ба  беҳтар  сохтани  фаъолияти  бонкҳо  муҳокима  шуданд. И.Лаълбеков   ба  намояндаи  Хазинаи  байналхалқии  асъор   дар  бораи  фаъолияти  имрӯзаи  бонкҳои  мамлакат,  проблемаҳои  вобаста ба  паст  гардидани  нархи   пахта  дар  бозори  ҷаҳонӣ ва  сари  вақт  баргардонидани  қарзи  бонкҳо  маълумот  дод.